Augngler

Vöruflokkar

Stjornufraedi.is

Augngler

Athugaðu, opna í nýjum glugga.

Augngler eru mikilvægustu fylgihlutir stjörnusjónauka þar sem þau ráða bæði stækkun og sjónsviði myndarinnar. Augnglerin koma í mörgum stærðum og gerðum en góð þumalputtaregla sem hér á sannarlega við er að maður fær það sem maður borgar fyrir.

Celestron

Omni línan frá Celestron inniheldur ódýr en vönduð augngler. Ef þú ert að leita að betri augnglerjum en fylgdu með sjónaukanum þínum eru Omni augnglerin mjög góður kostur.

Omni augnglerin eru fjögurra glerja Plössl með 50° sýndarsjónsviði. Þau eru að sjálfsögðu fjölafspeglunarhúðuð til þess að hámarka skerpu. Mjög góð augngler á hagstæðu verði.


Omni 4mm	Omni 6mm	Omni 9mm	Omni 12,5mm	Omni 15mm	Omni 32mm

X-Cel línan frá Celestron eru góður kostur fyrir þá sem vilja skoða reikistjörnurnar vel og vandlega. X-Cel augnglerin samstanda af sex lágtvístrunarglerjum (ED) sem lágmarka litskekkju sem getur birst þegar horft er á björt fyrirbæri eins og tungl og reikistjörnur. Öll X-Cel glerin eru einslæg sem þýðir að þú þarft lítið sem ekkert að fókusstilla þegar þú skiptir um stækkun. Þau hafa 55° sýndarsjónsvið og 20mm augnfró sem þýðir að mjög þægilegt er að horfa í gegnum þau.


X-Cel 2,3mm	X-Cel 5mm	X-Cel 8mm	X-Cel 10mm	X-Cel 12,5mm	X-Cel 18mm

Ultima LX línan frá Celestron inniheldur aðeins hágæðaaugngler. Þau hafa mjög vítt 70 gráðu sýndarsjónsvið og góða augnfró sem þýðir að mjög þægilegt er að horfa í gegnum þau. Ultima LX augnglerin eru hnífskörp og kristaltær og keppa aðeins við það besta sem í boði er á markaðnum.


Ultima LX 5mm	Ultima LX 8mm	Ultima LX 13mm	Ultima LX 17mm	Ultima LX 22mm	Ultima LX 32mm

Axiom LX línan frá Celestron samanstendur af hágæða augnglerjum. Þau hafa mjög vítt 82° sýndarsjónsvið og góða augnfró sem þýðir að mjög þægilegt er að horfa í gegnum þau. Axiom LX augnglerin eru hnífskörp og kristaltær og keppa aðeins við það besta sem í boði er á markaðnum.


Axiom LX 7mm	Axiom LX 10mm	Axiom LX 15mm	Axiom LX 19mm	Axiom LX 23mm	Axiom LX 31mm


"For its excellent features, high performance optics, and good engineering - indeed its class leading, all-round performance - the Celestron Axiom takes top spot" (Sky at Night Magazine, February 2010)

Augngler frá Orion

Sirius Plössl eru skörp og góð augngler á mjög góðu verði sem henta byrjendum sérstaklega vel. Orion Stratus hafa víðara sjónsvið og eru í klassa fyrir ofan Sirius Plössl augnglerin; fyrir þá sem gera enn meiri kröfur.